Showing posts with label pooja shah. Show all posts
Showing posts with label pooja shah. Show all posts

Saturday, November 17, 2018

વિનય શાહે માત્ર 10 હજાર રૂપિયાનો ખર્ચ કરીને આચર્યું 260 Crનું કૌભાંડ, મિલકત વેચીને નહીં થઇ શકે લેણદારોની ચૂકવણી

એકના ડબલ કરવાની લાલચ આપી 260 કરોડનું ફુલેકું ફેરવી નાસી છૂટેલા વિનય શાહ માત્ર 10 હજાર રૂપિયાના ખર્ચે કંપની ઉભી કરીને 260 કરોડનું ફૂલેકું ફેરવ્યું હોવાની વિગતો સામે આવી છે.

    કૌભાંડી વિનય શાહે માત્ર 10 હજાર રૂપિયાનો ખર્ચ કરીને આચર્યું 260 Crનું ફુલેકું
    260 કરોડના સ્કેમ પાછળ વિનય શાહનુ શેતાની ભેજુ કામ કરે છે. વિનય શાહે કંપનીને પ્રાઇવેટ લિમિટેડ બનાવવાના બદલે તેને લિમિટેડ લાયાબિલીટી પાર્ટનરશીપ (એલએલપી) બનાવી હતી. આ કંપની શરૂ કરવા માટે માત્ર 10 હજાર રુપિયાનો ખર્ચ થાય છે, જ્યારે તેની સાથે કંપની જો ફડચામાં જાય તો કંપનીની મિલકત ટાંચમાં લઇ શકાતી નથી. વિનય શાહ હાલ ફરાર છે અને તેની કંપનીમાં ફસાયેલા નાણા લેવા માટે લોકો લાઇન લગાવી રહ્યા છે તેની ઓફિસમાં ધક્કા ખાઇ રહ્યા છે. પરંતુ વિનય શાહ પકડાય તો પણ તેની અંગત મિલકત વેચીને પણ લોકોના નાણાં ચૂકવાશે નહી. વિનય શાહએ 10 હજાર ખર્ચીને 260 કરોડથી વધુનુ ફુલેકુ ફેરવી દીધુ છે. તેની સાથે વિનય શાહને અંદાજ હશે કે તેની કંપની બંધ થઇ જશે તો તેની મિલકત ટાંચમાં લેવાશે જેથી તેણે પહેલાથી જ પોતાની કંપનીમાં જવાબદારી ઓછી રાખવાનો કારશો ઘડી કાઢ્યો હતો.
    વિનય શાહની આર્ચડકેર ડીજીએડ એલએલપી કંપનીમાં ગુજરાતભરમાંથી લોકોએ મોટા રીટર્નની લાલચમાં આવીને રોકાણ કર્યુ હતુ. એક બીજાની ચેઇન ગોઠવીને વિનય શાહે કરોડો રૂપિયા ઉઘરાવી હાલ ભૂગર્ભમાં ઉતરી ગયો છે. વિનય શાહે પોતાની કંપની રજીસ્ટર છે અને તમારા રૂપિયાનુ તમને ચોક્કસ વળતર મળશે તેવી લાલચ આપીને લોકોને પોતાની કંપનીમાં રોકાણ કરાવ્યુ હતુ. વિનય શાહને અણસાર આવી ગયો હતો કે, ગમે તે સમયે તે લોકોના રૂપિયા ચૂકવી સકશે નહીં અને તેના કારણે તેની પોતાની જવાબદારી આવશે અને કંપનીના પાટીયા પાડી દેવા પડશે તે માટે તેણે પહેલાથી જ પોતાની કંપનીમાં લિમિટેડ લાયાબિલીટી રાખી હતી. જેથી ગમે તે સમયે કંપની ફડચામાં જાય તો તેની મિલકતને કે પોતાને વઘારે નુકશાન થાય નહી. જેથી વિનય શાહ માત્ર 10 હજાર રૂપિયાના ખર્ચમાં બની શકે તેવી એલએલપી કંપની જ બનાવી હતી.

    વિનય શાહ હાલ વોન્ટેડ છે અને તેના લેણદારો ધક્કા ખાઇ રહ્યા છે પરંતુ તેમના લેણદારોને રુપિયા મળવાની સ્થિતી નહિવત છે. કારણકે તેણે પોતાની કપંનીની જવાબદારી ખુબ જ ઓછી રાખી હતી. જેથી વિનય શાહ હવે જ્યારે પોલીસ પકડે કે પોલીસ સમક્ષ હાજર થાય તો પણ પોલીસ તેની મિલકત વેચીને લેણદારોને રકમ પાછી આપશે નહી.

    News Source From Divya Bhaskar Samachar

    વિનય શાહ લિસ્ટિંગ બાદ 10 રૂ.નો શેર 120નો થઇ જવાની લાલચ આપી ખંખેરતો રૂપિયા - ArcherCare 260rs Scam

    * વિનય એક લાખનું રોકાણ કરનારને સોનાનો સિક્કા આપી આંબા-આંબલી બતાવતો.


    * વિદેશ ટ્રીપ કરાવવાની લાલચ આપી પોતાના કરન્ટ એકાઉન્ટમાં રૂપિયા જમા કરાવડાવતો
    અમદાવાદઃ વિનય શાહ આર્ચરકેર નામની કંપની દ્વારા 260 કરોડની છેતરપિંડી આચરી વિદેશ નાસી છૂટ્યો છે. વિનય શાહે કોઈને સોનાના સિક્કા તો કોઈને દુબઈની ટ્રીપ આપવાનું કઈ હજારો લોકો સાથે છેતરપિંડી આચરી છે. વિનય શાહ અને તેની પત્ની ભાર્ગવી શાહે મધ્યમ અને ગરીબ પરિવારોને જ પોતાના ટાર્ગેટ બનાવવાનું નક્કી કર્યું હતું. વિનય કહેતો કે તમે દસ રૂપિયાનો શેર ખરીદો અને કંપની લિસ્ટ થશે ત્યારે 120 રૂપિયા થઈ જશે. આ સમગ્ર પ્રકરણમાં વિનય દર વખતે એક નવી લોભામણી લાલચ આપીને લોકો પાસેથી રૂપિયા ખંખેરી લેતો હતો.
    પૂર્વ વિસ્તારમાં અંદાજે 4500 લોકોની આખી ચેન બનાવી હતી
    વિનય લોકોને આ કંપની રજિસ્ટર્ડ છે અને તમારા રૂપિયા સુરક્ષિત હોવાનું કહી જાળમાં ફસાવતો હતો. અમદાવાદના પૂર્વ વિસ્તારમાં અંદાજે 4500 લોકોની આખી ચેન બનાવી હતી.આ ગ્રુપમાં જોડાયેલા લોકોએ જણાવ્યું છે કે વિનય પોતે લોકોને આંબા-આંબલી બતાવી પૈસા રોકવા માટે તૈયાર કરતો હતો. આ માટે તે એક લાખ રૂપિયા ઈન્વેસ્ટ કરનાર લોકોને એક સોનાનો સિક્કો આપતો હતો. આ સિક્કાની સાથે તે સિલેક્ટેડ લોકોને દુબઈ કે બેંગકોકની ટ્રીપ કરાવવાની લાલચ આપી લોકો પાસેથી રૂપિયા પોતાના કરન્ટ એકાઉન્ટમાં જમા કરાવડાવતો હતો.
    બેંકે ટ્રાન્ઝેક્શનની લિમિટ બાંધી હોવાનું જણાવી કમિશન ન આપતો
    જ્યારે લોકો પોતાના ભરેલા રૂપિયાના બદલામાં પોતાનું કમિશન માંગતા ત્યારે તેને કહેતો કે, હાલ બેંક દ્વારા રોજના ટ્રાન્ઝેક્શનની લિમિટ બાંધી દેવામાં આવી છે, અને અહીં બધું જ ઓલ ઈઝ વેલ છે એમ કહી લેણદારોને પોતાની ઓફિસથી રવાના કરી દેતો હતો. આ દરમિયાન વિનયે અમદાવાદથી 250 લોકોને દુબઈ મોકલ્યા હતા. આ ટ્રીપ માટે આખી ફ્લાઇટ પણ બુક કરાવી હોવાનું પણ જાણવા મળ્યું છે.

    બિફોર લિસ્ટિંગ શેર આપીશું, રૂપિયા કમાવવાની ઉત્તમ તક
    એકવાર વિનયે જીએમડીસી ગ્રાઉન્ડમાં લોકોને ભેગા કરી કહ્યું હતું કે અમે એક નવી કંપની શરૂ કરી રહ્યા છીએ, જે કંપની થોડા સમયમાં પબ્લિક લિમિટેડ થઈ જશે. જેના શેર બહાર પડશે, હાલ તમે આ કંપનીમાં રોકાણ કરો. અમે તમને 10 રૂપિયાના એક એમ ગણતરી કરીને બિફોર લિસ્ટિંગ શેર આપીશું. 

    News Source From Divya Bhaskar Samachar

    260 Crનું ફુલેકું ફેરવનારા વિનય શાહના ઘરેથી લોટના ડબ્બામાંથી પાંચીયા -10ના સિક્કાનું 50 હજારનું ચિલ્લર મળ્યું

    અમદાવાદઃ એકના ડબલ કરવાની લાલચ આપી 260 કરોડનું ફુલેકું ફેરવી નાસી છૂટેલા વિનય શાહ કેસની તપાસમાં રોજ નવા નવા ખુલાસાઓ થઇ રહ્યા છે. આ કૌભાંડ મામલે આજે સીઆઇડી ક્રાઇમે તપાસ હાથધરી હતી. જેમાં વિનય શાહના કોટક બેંકમાં અનેક એકાઉન્ટ હોવા અંગે માહિતી મળી હતી. માત્ર એટલું જ નહીં, વિનય શાહના ઘરે તપાસ દરમિયાન લોટના ડબ્બામાં, ફર્નિચર,બેડ અને કબાટમાં સંતડેલા 50 હજાર રૂપિયાનું ચિલ્લર મળી આવ્યું હતું. જેમાં 5 પૈસાથી લઈ 10 રૂપિયાના સિક્કા પણ મળ્યા હતા.



    વિનય શાહની કંપનીની કર્મચારી પૂજા શાહની પણ કરી પૂછપરછ
    આ ઉપરાંત સીઆઇડી ક્રાઇમે વિનય શાહની કંપનીની કર્મચારી પૂજા શાહની પણ પૂછપરછ
    કરી હતી. ઉલ્લેખનીય છે કે, વિનય શાહની વાઇરલ થયેલી સુસાઇડ નોટમાં પણ પૂજા શાહનો ઉલ્લેખ છે.

    50 લાખનો મુદ્દામાલ, 34 કોમ્પ્યુટર, બે લેપટોપ લીધા કબ્જે
    આ દરમિયાન સીઆઇડી ક્રાઇમે વિનય શાહના ઘરેથી 50 લાખનો મુદ્દામાલ ,34 કોમ્પ્યુટર, બે લેપટોપ, એક લાખના સોના-ચાંદીના દાગીના અને 4 સ્વાઇપ મશીન પણ કબ્જે કર્યા હતા.

    News Source From: DivyaBhaskar Samachar